අලුත උපන් බබාට
ලස්සන නමක්
සොයමු.

නම යනු දෙමව්පියන් තම දරුවාට පළඳවනු ලබන පළමු ආභරණයයි. ඉටුකරනු ලබන පළමු යුතුකමයි. දරුවන් ලෝකය තුළ තම අනන්‍යතාවය පිහිටුවීමේ පළමු පියවරයි. ලෝකයේ හොඳම දේ දරුවන්ට යැයි ප්‍රසිද්ධ කියමනක් ඇත. එමනිසා දෙමව්පියනුත් දරුවෙක් ඉපදුණු ගමන්ම නැකත් බලා සුබ අකුරු සොයා අර්ථවත් ලස්සන නමක් තබන්න උනන්දු වෙනවා.

නමක ඇත්තේ අකුරු තුන හතරක් වුවත් එය ඔහුගේ හෝ ඇයගේ මුළු ජීවිත කාලය පුරාම ව්‍යවහාර වෙනවා. ඒ වගේම, කෙනෙකුගේ සිත වැඩියෙන්ම අසතුටට පත් වන්නේත් තමාගේ නම වැරදියට උච්චාරණය කිරීම ඇසෙන විටයි.

එම නිසා තම තමාගේ ආසාවන්, අක්ෂර, අර්ථය, සංස්කෘතික පසුබිම, ආගමික ආභාෂය යන මේ සියලු කරුණු මුල්කර ගත්තද අවසානයේ දෙමව්පියන් තබන නමෙහි අයිතිකරු වන්නේ ඔහු හෝ ඇයයි. එය දරුවාගේ පෞරුෂයට සහ ආත්ම අභිමානයට විශාල බලපෑමක් කරන බව සිතෙහි තබාගෙන දෙමව්පියන් වශයෙන් ඔබගේ යුතුකම ඉටුකරන්න.